أنا باشكر الأستاذ طارق الغنام على ميله جدا وأحب أوضح حاجة مهمة جدا

مش معنى ان فيه سلبية زى ما قلت -ولو انى مش معاك -اننا نرضى باى وضع ايا كان هذا الوضع

انا عارفة كويس ان كل واحد فى مصر بتجرى فى عروقه الكرامة اكيد ضد فكرة التوريث بس ده مش كفاية بمعنى ان مش كفاية اكون ضد الفكرة نفسها لأ ده احنا نحاول نحاربها بكل الطرق كل فى موقعه

يعنى من وجهة نظرى الشخصية ان احنا مانسكتش ومنعديش اى موقف يحصل كده والسلام وبعدين نرجع نقول ما الكل كده

يارب تكون فهمت قصدى من كتابة الموضوع

وانا ممتنة ليك جدا واتمنى ان يكون لينا فى يوم من الايام راى مؤثر فى صنع القرار اللى هو متعلق بحياتنا ومصيرنا يعنى مانسيبش غيرنا يقرر لنا ونقول الحال بقى كده

ومن هنا فانا اصرخ صرخة قد تكون مكتومة الان ولكنى واثقة من انه سيأتى يوم وسيسمعها كل من أغلق بارادته اذنيه لأعلنها عالية

نحن خلقنا أحرارا

لا للتوريت

لا للذل

لا للهوان